An bhfuil Gaeilge agat? 

An bhfuil Gearmáinis, Iodáilis, Fionlainnis, Polainnis, Ollainnis, Spáinnis, Fraincis, Béarla, nó Gaeilge agat?

An bhfuil suim agat bualadh le daoine nua agus do chuid scileanna cumarsáide agus idirchultúrtha a fhorbairt, agus tú ag cuidiú le mic léinn eile teanga iasachta a chleachtadh? 

Cláraigh mar Threoraí Teanga agus cuir leis an Una Europa Language Café an seimeastar seo!

----------------------------------------------------------------------------------------------------------------------------

Cad is Una Europa Language Café ann?

Is éard atá i gceist leis an Una Europa Language Café ná clár idirchultúrtha agus ilteangach a thugann deis do gach mac léinn UCD Gearmáinis, Iodáilis, Fionlainnis, Polainnis, Ollainnis, Spáinnis, Fraincis, Béarla, nó Gaeilge (na teangacha a labhraítear ag comhollscoileanna Una Europa) a chleachtadh i dtimpeallacht neamhfhoirmeálta

Is iad na Treoraithe Teanga, mic léinn gur cainteoirí dúchais iad nó a bhfuil líofacht (C1) acu i gceann de na teangacha thuasluaite, a bheidh ag reáchtáil na seisiúin ag an Language Café. Bronnfar cochall saor in aisce ar gach Treoraí Teanga atá le caitheamh acu (agus le coimeád acu!) agus iad i mbun éascaireachta ar an Language Café. Freisin, tabharfar léirmheas ar LinkedIn nó Teastas i bhfoirm eile, a dheimhníonn go raibh obair dheonach ar bun ag an mac léinn. Táthar i dteideal cur isteach ar an nGradam Advantage UCD leis an imeacht seo.

Cén ról atá ag na Treoraithe Teanga?

Stiúrann na Treoraithe Teanga an comhrá sa teanga atá ar a gcumas acu agus tacaíonn siad le mic léinn eile a dteanga a fhoghlaim i dtimpeallacht neamhfhoirmeálta. Ní múinteoirí iad na Treoraithe Teanga; feidhmíonn siad mar  éascaitheoirí agus tacaíonn siad leis na foghlaimeoirí trí scileanna teanga a thaispeáint - rud a chuireann le foghlaim néamhfhoirmeálta na Mac Léinn.

Ní mór do Threoraithe Teanga ábhair chainte a ullmhú roimh ré agus an comhrá a stiúradh go binn. Ba cheart go mbeidh na hábhair chainte oiriúnach agus suimiúil do na foghlaimeoirí; ba cheart go mbeidh siad éasca le tuiscint ag foghaimeoir nua. Mar shampla, taisteal, caitheamh aimsire, scannánaíocht, ceol, spórt, srl.

Cathain & Cá háit a bheidh an Una Europa Language Café ar siúl?

Beidh an Una Europa Language Café ar siúl uair sa tseachtain (60 nóiméad) sa Tolglann Domhanda UCD.  Beidh na hamanna do na seisiúin don Language Café deimhnithe ag na Treoraithe Teanga cuí.  B’fhearr go mbeadh na seisiúin don Language Café á reáchtáil déanach sa tráthnóna ar ghnáthlá oibre amháin. Ní bheidh na seisiúin á reáchtáil ag an deireadh seachtaine, ar lá saoire poiblí, ná idir léachtaí Ollscoile.

Cén fáth ar fiú cur isteach air?

Is deis iontach é seo do Mhic Léinn ar spéis leo:

• A theanga & a chultúr a roinnt le Mic Léinn eile
• An nasc atá ag Mic Léinn lena dteanga dúchais nó a dhara teanga a fhorbairt.
• Aithne a chur ar dhaoine nua agus caidrimh nua a chothú
• Scileanna Cumarsáide agus Idirchultúrtha a fhorbairt
• Taithí sa Cheannaireacht Fhoirne a fháil.

-------------------------------------------------------------------------------

Conas gur féidir cur isteach air?

Má tá fonn ort a bheith i do Threoraí Teanga, beidh fáilte romhat freastal ar an seisiún eolais ar an 30ú Meán Fómhair 2024 ag a 13:15in sa Tolglann Domhanda, áit gur féidir leat foghlaim tuilleadh mar gheall ar an ndeis agus aon cheist a bheadh agat a chur. Ná bíodh drogall ort do lón a thabhairt le linn an tseisiúin. Is féidir clárú don seisún eolais anseo:

If you are interested in becoming a Language Guide, you are welcome to attend the info session on 30 September 2024 at 13:15 (1:15pm) in the Global Lounge, where you can learn more about the opportunity and ask any questions you have. Feel free to bring your lunch to eat during the session.

Register for the info session:

https://docs.google.com/forms/d/e/1FAIpQLSf-aL44l096sjJCE6pO84GV11ZuVRAHRjJbUvzaz9kC9wYSdg/viewform  

Má tá tú réidh chun iarratas a dhéanamh mar Threoraí Teanga, is féidir sin a dhéanamh ag an nasc thíos go dtí an 6ú Deireadh Fómhair 2024.

If you are ready to apply, volunteer to become the Language Guide via this link until 6 October 2024:

https://docs.google.com/forms/d/e/1FAIpQLSewnKvrghSsofOVgSZ0R1CIUKex04Wg6bLSn2iKW54uecHGoQ/viewform

Do bhreis eolais, féach ar shuíomh UCD Ar Fud na Cruinne nó déan teagmháil le Tajana Mohnacki, tajana.mohnacki@ucd.ie.